|
Mae’r dinasoedd yn llawn pobl a thraffig- pawb yn rhuthro i bob man mewn bysus, rickshaws, mopeds, tacsis, ar feics ac anifeiliaid.
Mae bywyd teuluol yn bwysig iawn yn India. Mae pobl hen yn cael eu parchu ac mae pawb yn gwrando arnynt. Mae pobl yn cael gofal da yn eu hen oed. Mae priodasau’n cael eu trefnu gan rieni ‘r eneth a’r bachgen. Pan mae rhywun yn priodi yn India mae’n golygu mwy na dau berson yn dod at eu gilydd , mae’n golygu dau deulu yn dod at eu gilydd
Mae’r Hindwiaid yn addoli llawer o dduwiau a duwiesau. Y prif dduwiau yw Brahma, Vishnu a Shiva. Mae llun o wraig Shiva, sef Parvati i’w weld ar waelod y daflen, gyda’i mab Genesha, y duw eliffant. Y prif wyliau i’r Hindwiaid yn India yw Diwali a Holi. Yn ystod Diwali mae pob cartref yn cael ei oleuo gyda lampau a chanhwyllau gan mai gwyl y goleuni ydyw. Dechrau’r gwanwyn yw Holi - pan mae’r Hindwiaid yn cofio am y duwiau Radha a Krishna a oedd yn gariadon hapus.
|
||
| Ysgol Gymuned Pentraeth |
India
yw’r seithfed wlad fwyaf yn y byd. Mae hi’n tua 13 gwaith yn fwy na Phrydain
gyda 870 miliwn o bobl yn byw yno. Mae mwy o bobl yn byw yma nac yn unrhyw wlad arall yn y
byd ond Tsieina.
Dyma
fanner yr India. Mae ganddo dair streipen, oren, gwyn a gwyrdd. Mae olwyn las dywyll
ynghanol y streip gwyn ac mae pob rhan o’r olwyn yn golygu rhywbeth. Mae’r
streip oren yn cynrychioli yr Hindwiaid, y streip wyrdd yn cynrychioli y Mwslemiaid
a’r streip wen yn gobeithio y bydd yr Hindwiaid a’r Mwslemiaid yn byw mewn
heddwch. Hen symbol y Bwdiaid yw’r olwyn sydd hefyd yn sefyll dros heddwch.
Mae
plant sydd yn byw yn India yn mynd i’r ysgol
rhwng 4 a 16 oed. Mae rhai plant o deuluoedd tlawd yn gadael yr ysgol yn fuan ac mae rhai
sydd ddim yn mynd i’r ysgol o gwbl. Mae’n rhaid iddynt gael arian i gadw’r
teulu.Yn India mae yna ysgolion cyffredin ac ysgolion crefyddol. Mae rhai ysgolion mewn
pentrefi yn cymryd lle yn yr awyr iach ac mae’r plant yn eistedd ar y llawr ac yn
ysgrifennu ar lechi neu yn y pridd sych.
Mae’r
bwyd sydd yn cael ei fwyta yn India yn dibynnu ar grefydd y bobl ac ym mha ran o’r
wlad maent yn byw. Mae llawer o Hindwiaid yn lysieuwyr er fod rhai yn bwyta cyw iār a
physgod. Dydy Hindwiaid byth yn bwyta cig eidion na phorc achos maent yn meddwl fod moch
yn anifeiliaid budr.
Pryd pobl gyffredin
yn India yw reis neu chapattis gyda llysiau gwahanol, iogwrt a phicls. Maent yn defnyddio
llawer o berlysiau fel turmeric, coriander a chilli wrth goginio. Nid ydynt yn defnyddio
cyllyll a ffyrc i fwyta, maent yn defnyddio eu dwylo ond nid ydynt byth yn defnyddio eu
llaw chwith gan fod hyn yn anghwrtais.
Mae’r rhan fwyaf o bobl
yn rhy dlawd i brynu car ac felly maent yn mynd ar fysus neu’n defnyddio anifeiliaid
i fynd ā pethau i’w gwerthu yn y farchnad. Mae cychod yn cael eu defnyddio ar yr
afonydd i gario pobl a’u heiddo ac yn yr anialwch, dim fan bost sy’n danfon
llythyrau ond camelod!
Mae’r rhan fwyaf o gartrefi yn llawn pobl, mae’n lle
bywiog iawn efo nain, taid, mam dad, plant, cefndryd a llawer mwy o’r teulu yn byw.
Mae gan pawb waith yn y ty, pawb yn gweithio gyda’u gilydd.
