Ysgol gynradd sirol yw’r ysgol hon.
This school is a county primary school.
Fe garem estyn croeso cynnes i’ch plentyn i Ysgol Gymuned
Pentraeth.
Fe gyflwynir y Cwricwlwm Cenedlaethol gan athrawon profiadol. Yn ychwanegol i ddatblygu
sgiliau ieithyddol, mathemategol, gwyddonol a thechnolegol bydd eich plentyn yn datblygu
hyder, hunan gynhaliaeth, dysgu gwneud penderfyniadau a datblygu’r gallu i fynegi
teimladau a syniadau. Rydym hefyd yn rhoddi pwyslais ar ddatblygu sgiliau cymdeithasol y
plentyn a’u tywys i ffurfio perthynas a phlant eraill ac oedolion ac i fod yn
sensitif i deimladau ac anghenion pobl eraill.
Bydd yr athrawon yn sicrhau fod y plant yn symud ymlaen yn ol eu gallu i gyrraedd eu llawn
potensial. Gweithiwn yn galed i sicrhau fod pob plentyn yn teimlo’n dda am eu hun ac
yn cyrraedd lefel uchel o hunan barch. Os rydych yn teimlo’n llwyddiannus yna llwyddo
wnewch.
Teimlwn fod eich rhan chwi yn y broses yn hanfodol ac fe gymerwn bob cyfle i roddi
gwybodaeth i chwi am y ffyrdd yr ydym yn gweithio gyda’ch plentyn. Rydym yn awyddus i
gael cyfraniad rhieni ar bob lefel. Os dymunwch gyfrannu o’ch amser fe estynir croeso
i chwi yn yr ysgol.
Mae plentyndod yn amser arbennig iawn ac ni cheir ail gyfle. Gallwch ddibynnu arnom i
wneud yr amser yn un mor hapus a chynhyrchiol ag sydd yn bosibl i’ch plentyn.
Yn gywir iawn
Carol Jones
